प्रीमियर लीगमा लिभरपूलको अर्को जीत

६ असोज, काठमाडौं । साउथ ह्याम्पटनलाई पराजित गर्दै लिभरपुलले प्रिमियर लिगमा लगातार छैटौं जित हात पारेको छ ।शनिबार राति भएको खेलमा लिभरपुलले साउथ ह्याम्पटनलाई ३–० ले हराएको हो ।एन्फिल्डमा भएको खेलमा लिभरपुलले अग्रता भने उपहार गोलबाट लिएको थियो । राकिरीको क्रस शेन लङ हुँदै वेस्ले होड्टसँग ठोक्किएर आत्मघाती गोल बन्यो ।खेलको २१ औं मिनेटमा जोन माटिपले लिभरपुलले अग्रता दोब्बर पारे । पहिलो हाफको इन्जुरी टाइममा मोहम्मद सहालले गोल गरे ।खेलको दोस्रो हाफ भने दुबै टोलीका लागि अतिरिक्त ट्रेनिङ सेसन जस्तै रहृयो । पहिलो हाफमा लिभरपुलले तीन गोल गरेपछि खेलको प्रतिस्पर्धा नै हराएको थियो ।जितसँगै लिभरपुल १८ अंकका साथ अंक तालिकाको शीर्ष स्थानमा उक्लिएको छ ।